Mahesh Gaikwad
मनमोहक फुलांचे सौंदर्य आणि त्याचा सुगंध सर्वांच्याच मनाला भुरळ घालतो. फुलांवरील प्रेमापोटी अनेकजण घराच्या बाल्कनीमध्ये फुलांची झाडेही लावतात.
फूले आवडण्याचे मुख्य कारण म्हणजे त्यांचा सुगंध. पण जगात असेही एक फूल आहे. ज्याचा अतिशय घाण वास येतो.
विशेष म्हणजे हे जगातील सर्वात मोठे फूल आहे. रॅफ्लेसिया असे या फुलाचे नाव असून याचा वास मात्र सडलेल्या मांसा किंवा सडलेल्या मृतदेहासारखा येतो.
रॅफ्लेसिया हे फूल मुख्यत: इंडोनेशियामध्ये आढळते. हे फूल आकाराने जगातील सर्वात मोठे फूल आहे. या फुलाचा व्यास एक मीटरहून अधिक असतो.
रॅफ्लिसिया फुलाचा रंग गडद लाल असतो. हे फूल दिसायला खुपच सुंदर असते. मात्र, यामधून सडलेल्या मांसासारखा दुर्गंधी येते.
जगातील सर्वात मोठे असणारे हे फूल सध्या विलुप्त होण्याच्या मार्गावर आहे. त्यामुळे याच्या संवर्धनाची गरज असल्याचे शास्त्रज्ञ सांगतात.
दक्षिण-पूर्व आशियातील जंगली भागांमध्ये होत असलेल्या बांधकामांमुळे रॅफ्लेसिया फूल विलुप्त होत असल्याचे सांगितले जात आहे.
इंडोनेशिया व्यतिरिक्त रॅफ्लेसिया फूल मलेशिया, थायलंड आणि फिलीपाईन्समध्येही आढळते.