Mahesh Gaikwad
भारतातील प्रत्येक घरामध्ये सुदृढ आणि स्वस्थ आरोग्यासाठी लहान मुलांपासून मोठे लोक दूध पितात.
भारतीय घरांमध्ये सामान्यत: गायी, म्हैस किंवा शेळीचे दूध पिण्यासाठी वापरतात. परंतु अलिकडच्या काही वर्षांमध्ये आरोग्याच्या बाबतीत जागरूक असणाऱ्या लोकांचा अन्य प्राण्यांच्या दुधाकडे कल वाढत आहे.
यामध्ये विशेषत: गाढव आणि उंटाच्या दुधाबाबत जागरुकता वाढताना दिसत आहे. त्यामुळे आरोग्याच्यादृष्टीने गाढवाच्या दुधाची मागणीही वाढत आहे.
गाढवाच्या दुधाचा प्रामुख्याने औषधींसाठी वापर केला जातो. बालरोगतज्ज्ञ कधीकधी गाढवाच्या दुधाची शिफारस करतात.
याशिवाय गाढवाच्या दुधाला त्याच्या वृद्धत्वविरोधी (अँटीएजींग) गुणधर्मांसाठी स्कीन केअर उत्पादन उद्योगातून विशेष मागणी आहे.
अमेरिका आणि युरोपामध्ये गाढवाच्या दुधाला सर्वाधिक मागणी आहे. या देशांमध्ये गाढवाच्या एक लिटर दुधाची किंमत १६० डॉलरपर्यंत आहे.
भारतातही औषधी उपयोगासाठी गाढवाच्या दुधाला मागणी असून भारतामध्ये गाढवाच्या एक लिटर दुधासाठी ७ हजार रुपये मोजावे लागतात.