Team Agrowon
कोणत्याही पिकांच्या उत्पादनासाठी नत्र, स्फुरद, पालाश, कॅल्शिअम, मॅग्नेशिअम या सारखी १६ पोषकद्रव्ये आवश्यक आहेत.
कोणत्याही पिकांच्या उत्पादनासाठी नत्र, स्फुरद, पालाश, कॅल्शिअम, मॅग्नेशिअम या सारखी १६ पोषकद्रव्ये आवश्यक आहेत. माती परीक्षणानंतर जमिनीमध्ये कोणत्या अन्नद्रव्याची कमतरता आहे, हे लक्षात येते.
नत्रयुक्त खतांची कार्यक्षमता वाढविण्यासाठी आवरणयुक्त युरियाचा म्हणजेच निमकोटेड युरिया किंवा सल्फर कोटेड युरियाचा वापर करावा. हिरवळीची खते म्हणून गिरीपुष्पाचा किंवा सुबाभळीच्या कोवळ्या फांद्या वापराव्यात.
पिकांच्या वाढीसाठी किती प्रमाणात अन्नद्रव्ये द्यावयाची याच्या शिफारशी कृषी विद्यापीठांकडून प्रसारित केल्या जातात. त्याचा आधार घेऊन आवश्यक ती भर खते, वर खते पिकांना द्यावी लागतात.
रासायनिक खतांची निवड करताना दीर्घकालीन पिकांसाठी नायट्रो फॉस्फेट १५:१५:१५,अमोनियम फॉस्फेट यासारख्या संयुक्त खतांचा वापर करावा.
स्फुरद या अन्नद्रव्याची उपलब्धता सोपी होण्यासाठी पूर्णपणे विरघळणाऱ्या खतांची निवड करावी. यामध्ये सुपर फॉस्फेट, डाय अमोनियम फॉस्फेट यासारख्या खताचा समावेश होतो.
स्फुरदाची कार्यक्षमता वाढविण्यासाठी स्फुरद विद्राव्य करणारे जिवाणू म्हणजेच पि.एस.बी. खतांचा वापर करावा. डाळवर्गीय आणि तेलबियांसाठी गंधकयुक्त खतांचा वापर करावा.