Swarali Pawar
उन्हाळ्यात तापमान खूप वाढते आणि त्याचा म्हशींच्या आरोग्यावर परिणाम होतो. म्हणून या काळात योग्य काळजी घेतली तर उष्णतेचा त्रास कमी होतो.
म्हशींच्या कातडीत घामग्रंथी कमी असतात तसेच त्यांची काळी कातडी सूर्यप्रकाश जास्त शोषते आणि शरीराचे तापमान वाढते.
म्हशींना पाण्यात बसणे किंवा डुंबणे खूप आवडते. यामुळे त्यांच्या शरीराचे तापमान कमी राहते आणि त्यांना थंडावा मिळतो.
उन्हाळ्यात दिवसातून ३–४ वेळा म्हशींना थंड पाण्याने धुवावे. शक्य असल्यास त्यांच्या अंगावर पाण्याचे फवारे पडतील अशी व्यवस्था करा.
दुपारच्या कडक उन्हात म्हशींना गोठ्यात किंवा झाडांच्या सावलीत ठेवावे. गोठा हवेशीर असावा आणि त्यात जास्त गर्दी करू नये.
उन्हाळ्यात म्हशींना वारंवार पाणी पिण्याची गरज असते. त्यांना नेहमी स्वच्छ आणि थंड पाणी उपलब्ध करून द्या.Buffalo Farming Tips
उन्हाळ्यात म्हशींच्या माजाची लक्षणे कमी दिसू शकतात. म्हणून दिवसातून ३–४ वेळा जनावरांचे निरीक्षण करणे आवश्यक आहे.
जास्त उष्णता, पाण्याची कमतरता किंवा गोठ्यातील गर्दीमुळे उष्माघात होऊ शकतो. योग्य व्यवस्थापन केल्यास म्हशी निरोगी राहतात आणि दूध उत्पादन टिकते.