Swarali Pawar
परदेशी फळ म्हणून ओळखली जाणारी ब्लूबेरी आता भारतातही लोकप्रिय होत आहे. कमी क्षेत्रातून जास्त उत्पन्न देणारे पीक म्हणून तिच्याकडे पाहिले जाते.
ब्लूबेरीला सध्या १२०० ते २५०० रुपये प्रतिकिलोपर्यंत दर मिळू शकतो. त्यामुळे पारंपरिक पिकांपेक्षा अधिक आर्थिक परतावा मिळण्याची संधी असते.
ब्लूबेरीची झाडे साधारण १० ते १५ वर्षे उत्पादन देतात. लागवडीनंतर तिसऱ्या वर्षापासून उत्पादन स्थिर होऊन वाढू लागते.
ठिबक सिंचन आणि मल्चिंगमुळे पाण्याचा कार्यक्षम वापर होतो. त्यामुळे मर्यादित पाण्यातही ब्लूबेरीची यशस्वी लागवड करता येते.
ब्लूबेरीचे पीक ग्रोइंग बॅग, शेडनेट किंवा पॉलिहाऊसमध्ये चांगले वाढते. यामुळे हवामानातील बदलांचा परिणाम कमी होतो.
नियंत्रित वातावरणामुळे फळांचा आकार, रंग आणि गुणवत्ता सुधारते. चांगल्या दर्जाच्या फळांना बाजारात अधिक मागणी असते.
ब्लूबेरीला देशांतर्गत बाजारासोबत निर्यातीतही चांगली मागणी आहे. यामुळे शेतकऱ्यांना अधिक मूल्य मिळवण्याची संधी मिळते.
जास्त दर, दीर्घ उत्पादनकाल आणि कमी पाण्याची गरज ही ब्लूबेरीची ताकद आहे. योग्य नियोजन केल्यास हे पीक चांगल्या नफ्याचा पर्याय ठरू शकते.