Team Agrowon
कोरडवाहू जमिनीत आंतरपीक पद्धत नेहमीच फायद्याची दिसून आली आहे. सरासरीपेक्षा कमी किंवा जास्त पाऊस झाल्यास आंतरपीक पद्धतीमुळे हमखास उत्पादन मिळत.
कोरडवाहू जमिनीत म्हणजेच कमी पाऊस पडणाऱ्या क्षेत्रात कमी कालावधीत परिपक्व होणाऱ्या पिकांचा आंतरपीक म्हणून समावेश करावा. यामध्ये मूग, उडीद, चवळी, सोयाबीन यासारखी पिके घ्यावीत.
हलक्या आणि मध्यम जमिनीमध्ये मूग, उडीद, चवळी, सोयाबीन, भुईमूग यासारख्या नत्र स्थिरीकरण करणाऱ्या पिकांचा समावेश करावा.
मुख्य पीक आणि आंतरपीक एकमेकांशी जमीन, हवा, सूर्यप्रकाश पाणी आणि अन्नद्रव्य इत्यादीसाठी स्पर्धा करणार नसाव.
मुख्य पीक आणि आंतरपिकाची मुळे जमिनीच्या वेगवेगळ्या स्तरांमध्ये वाढणारी आणि जास्त पसरणारी असावीत. सूर्यफूल, मका यांसारखी खादाड पिके आंतरपीक म्हणून घेणं टाळावं.
सरासरी पाऊसमान आणि जमिनीचा प्रकार यावर आंतरपीक पद्धती फायद्याची ठरते. हलक्या जमिनीत बाजरी, कुळीथ, मटकी, हुलगा, तीळ, कारळा, एरंडी यांसारखी पिके घ्यावीत.
मध्यम जमिनीत तूर, बाजरी, सूर्यफूल, सोयाबीन आणि खरीप ज्वारी यांसारखी पिके घ्यावीत.
मध्यम तसेच भारी जमिनीत कापूस, तूर, सोयाबीन आणि खरीप ज्वारी यांसारखी पिके घ्यावीत.