Team Agrowon
एव्हीयन इन्फ्लूएन्झा किंवा “बर्ड फ्लू” हा एक संसर्गजन्य रोग असून, सर्व प्रकारच्या पक्ष्यांमध्ये संक्रमित होतो. हा रोग ‘एच ५ एन १’ या विषाणूमुळे होतो. यात पक्ष्यांची मरतूक ८० ते १०० टक्क्यांपर्यंत होते.
प्रथमत: कोंबड्यांचे खाणे पिणे बंद होऊन ते सुस्तावतात.
नाका तोंडातून रक्तमिश्रित स्राव बाहेर येतो.
तोंडाचा व डोक्याचा भाग सुजलेला दिसतो.
डोळ्यांच्या पापण्याच्या आतील भाग लाल होतो व सुजलेला दिसतो.
विष्ठा हिरव्या रंगाची होते व पायांना सूज येते. श्वसनाचा त्रास होतो, शिंका येतात व श्वास घेताना घरघर आवाज येतो. श्वासोच्छ्वासात अडथळे येऊन पक्षी दगावतात.
पक्षी चालताना अडखळतात. पंख विखुरतात व गळतात, पक्षी निस्तेज दिसतात. अंडी उत्पन्न कमी होते.