Team Agrowon
गोठ्यात स्वच्छ आणि ताजी खेळती हवा येईल यासाठी पुरेशी वायुविजन व्यवस्था असावी.
जनावरांना प्रति तास तीन ते पाच लिटर पाण्याची गरज असते. त्यामुळे पुरेसे थंड आणि स्वच्छ पाणी उपलब्ध असावे.
जनावरांना उघड्यावर, उन्हात किंवा उन्हाच्या झळा बसतील अशा ठिकाणी बांधू नये.
जनावरांना दिवसातून चार वेळा वैरण द्यावी. हिरव्या वैरणीचे प्रमाण वाढवावे. जनावरे हिरवी वैरण आवडीने खातात. त्यामुळे त्याच्या शरीरास आवश्यक पोषण मुल्यांची पूर्तता होते.
छताची उंची कमीत कमी दहा फूट असावी. त्यामुळे गोठ्यात हवा खेळती राहते.
गोठ्याचा तळ सिमेंट काँक्रीटचा असावा. मात्र निसरडा नसावा. त्यास पाणी आणि मूत्राचा निचरा होण्यासाठी प्रमाणशीर उतार असावा.
गोठ्याचे छत उष्णतारोधी असावे. छतावर उष्णतारोधी पांढरा रंग लावावा. छतावर वाळलेल्या गवताचा किमान सहा इंचाचा थर द्यावा.