Swarali Pawar
पाइपला तडे गेले आहेत का, नळ्या कापल्या आहेत का आणि जोडांमधून पाणी गळते का, हे पाहा. खराब भाग वेळेत दुरुस्त करा.
ठिबकचे ड्रिपर तुंबलेले किंवा सुटलेले नाहीत ना, हे तपासा. तुषार संचातील नोझल स्वच्छ असून पाण्याची फवारणी योग्य दिशेने होते का, हेही पाहा.
पाइपलाइनमधील हवा बाहेर काढण्यासाठी एअर रिलीज व्हॉल्व्ह व्यवस्थित काम करणे गरजेचे आहे. त्याला तडे, गळती किंवा कचरा असल्यास दुरुस्ती करा.
सुरुवातीला कमी दाबाने पाणी सोडा. अचानक पूर्ण दाब दिल्यास पाइप किंवा जोडांचे नुकसान होऊ शकते.
ठिबकच्या सुरुवातीच्या, मधल्या आणि शेवटच्या ड्रिपरखाली भांडे ठेवून १५ मिनिटांत जमा झालेले पाणी मोजा. हे प्रमाण ४ ने गुणल्यास तासाभरातील अंदाजे प्रवाह समजतो.
फिल्टरमध्ये माती, वाळू किंवा कचरा साचल्यास पाण्याचा प्रवाह कमी होतो. फिल्टरच्या आधी आणि नंतरच्या दाबातील फरक तपासा आणि उत्पादकाच्या सूचनेनुसार स्वच्छता करा.
तुषार संचातील फवारा सर्व दिशांना पडतो का आणि शेजारील फवाऱ्यांचे आच्छादन पुरेसे आहे का, हे तपासा. दुरुस्ती किंवा स्वच्छतेपूर्वी पंप बंद करून पाइपलाइनमधील दाब पूर्णपणे कमी करा.