Team Agrowon
पिवळी डेझी (गोल्डन रॉड) हे अत्यंत कणखर पीक आहे. या वनस्पतीचा वापर प्रामुख्याने `फिलर मटेरिअल'' म्हणून करण्यात येतो.
फुलांचे बुके/गुच्छ तयार करताना पिवळ्या डेझीचा वापर केला जातो. या फुलाला सॉलिडॅगो, गोल्डन रॉड, सोनतुरा असेही म्हणतात.
पिवळी डेझी लागवडीसाठी मध्यम किंवा हलक्या प्रकारातील उत्तम निचऱ्याची जमीन निवडावी.
लागवडीपूर्वी जमिनीची चांगली मशागत करून हेक्टरी १५ टन कुजलेले शेणखत मिसळावे.
लागवडीसाठी तीन मीटर लांब आणि दोन मीटर रुंद आकाराचे सपाट वाफे तयार करावेत किंवा सरी-वरंब्यावरदेखील लागवड करता येते.
लागवडीनंतर ४० ते ५० दिवसांनी फुले येण्यास सुरवात होते. वर्षभर फुले येत राहतात. डेझीची फुले दांड्यासह काढावीत.