Swarali Pawar
बाजारात कलिंगड घेताना गोड आहे की नाही हे ओळखणं थोडं अवघड वाटतं. पण काही सोप्या टिप्स वापरल्या तर तुम्ही सहज गोड आणि रसाळ कलिंगड निवडू शकता.
कलिंगड जिथे जमिनीवर टेकलेलं असतं तिथे पिवळा डाग दिसतो. हा डाग गडद पिवळा असेल तर कलिंगड पिकलेलं आणि गोड असतं.
कलिंगडाचा देठ वाळलेला आणि तपकिरी असेल तर ते फळ पिकलेलं असतं. हिरवा देठ दिसला तर कलिंगड कच्चं असण्याची शक्यता जास्त असते.
कलिंगडावर हलकं टिचकी मारल्यावर पोकळ आवाज आला तर ते रसाळ असतं. पातळ किंवा टणक आवाज आला तर ते अजून पूर्ण पिकलेलं नसतं.
गडद हिरवा आणि थोडा निस्तेज (मॅट) रंग असलेलं कलिंगड चांगलं असतं. खूप चमकदार साल असेल तर ते कच्चं असण्याची शक्यता असते.
कलिंगड हातात घेतल्यावर ते जड वाटलं पाहिजे. जास्त वजन म्हणजे त्यात पाणी आणि गोडवा जास्त असतो.
सालीवर तपकिरी जाळ्यासारख्या रेषा दिसल्या तर ते चांगलं चिन्ह आहे. जास्त जाळं म्हणजे कलिंगड जास्त गोड असण्याची शक्यता असते.
कापल्यावर खूप कृत्रिम लाल रंग किंवा पांढरे डाग दिसले तर सावध राहा. असं कलिंगड टाळा आणि नेहमी नैसर्गिक दिसणारं फळ निवडा.