Team Agrowon
खोडवा उसाची अन्नद्रव्याची गरज सुरू उसासारखीच असते. ही मात्रा दोन समान हप्त्यांत विभागून द्यावी.
ऊस तुटल्यानंतर १५ दिवसांच्या आत एकरी ५० किलो नत्र, स्फुरद २३ ते २५ किलो, पालाश २३ ते २५ किलो या प्रमाणे द्यावा.
साधारण १३० दिवसांनी तेवढीच खत मात्रा द्यावी. ही खते पहारीच्या साह्याने मुळांच्या सान्निध्यात द्यावीत.
खोडवा पिकास सूक्ष्म अन्नद्रव्याची कमतरता दिसून आल्यास एकरी १० किलो फेरस सल्फेट, ८ किलो झिंक सल्फेट आणि ४ किलो मॅंगेनीज सल्फेट व २ किलो बोरॅक्स ही सूक्ष्म अन्नद्रव्ये सेंद्रिय खतांमध्ये मिसळून द्यावीत.
खोडव्यामध्ये असलेले पाचट कुजून, त्यातील सेंद्रिय कर्ब आणि अन्नद्रव्ये उसाला उपलब्ध होत जातात.
सेंद्रिय पदार्थांमुळे जमिनीची जलधारण शक्ती वाढते. जमिनीचे इतर भौतिक गुणधर्म सुधारतात. उपयुक्त जिवाणूंची संख्या वाढते.
शेतातील सर्व पाचट जाळण्याऐवजी जमिनीवर सम प्रमाणात पसरून द्यावे. पाचटाचे आच्छादन तयार झाल्यानंतर जमिनीतून बाष्पीभवन कमी होते. तणांचीही फारशी वाढ होत नाही. जमीन वाफसा अवस्थेत राहण्यास मदत होते.