Anuradha Vipat
घरच्या घरी गाईचे शुद्ध आणि सुवासिक तूप बनवणे खूप सोपे आहे.
खाली दिलेल्या सोप्या पायऱ्या फॉलो करून तुम्ही दाणेदार आणि पिवळधमक तूप तयार करू शकता.
दूधाची साय (मलाई), थंड पाणी किंवा बर्फाचे खडे,दही.
रोज दूध तापवून ते पूर्ण गार झाल्यावर फ्रीजमध्ये ठेवा. यामुळे दुधावर जाड साय धरते. तूप बनवण्याच्या आदल्या रात्री साय फ्रीझरमधून बाहेर काढा. ती रूम टेम्परेचरवर आली की त्यात १ चमचा दही घालून विरजण लावा आणि रात्रभर बाहेरच ठेवा.
सकाळी हे विरजलेले मिश्रण एका मोठ्या भांड्यात किंवा मिक्सरच्या भांड्यात काढा. त्यात थोडे थंड पाणी किंवा बर्फाचे खडे टाका आणि मिक्सर किंवा रवीच्या साहाय्याने ५-७ मिनिटे घुसळा. वर आलेले लोणी हाताने गोल गोळे करून वेगळे काढा आणि थंड पाण्याने २-३ वेळा स्वच्छ धुवून घ्या .
लोणी एका जाड बुडाच्या कढईत मंद आचेवर गरम करायला ठेवा. लोणी वितळल्यावर ते सतत ढवळत राहा. मंद आचेवर कढवत असताना हळूहळू हा पांढरा भाग खाली बसेल आणि सोनेरी रंगाचे स्वच्छ तूप वर येईल.
तुपाचा सुगंध अधिक वाढवण्यासाठी तुम्ही गॅस बंद करण्यापूर्वी त्यात एक तुळशीचे पान किंवा लवंग टाकू शकता. तूप थोडे कोमट झाल्यावर ते काचेच्या किंवा स्टीलच्या स्वच्छ बरणीत गाळणीने गाळून घ्या.