Anuradha Vipat
घरच्या घरी नेहमीच्या साध्या दुधापासून हॉटेलसारखे मऊ आणि क्रीमी पनीर बनवणे अतिशय सोपे आहे.
घरच्या पनीरमध्ये कोणतेही केमिकल नसल्यामुळे ते आरोग्यासाठी खूप पौष्टिक आणि चवीला अप्रतिम लागते.
दूध १ लिटर, दूध फाडण्यासाठी २ मोठे चमचे लिंबाचा रस किंवा पांढरे व्हिनेगर ,पाणी, बर्फाचे तुकडे किंवा थंड पाणी
एका मोठ्या पातेल्यात दूध गरम करायला ठेवा. दुधाला एक पूर्ण उकळी येऊ द्या. लिंबाच्या रसात २ चमचे पाणी मिक्स करून पातळ द्रावण तयार करा .
दूध फाटायला सुरुवात होईल. जेव्हा हिरवट पाणी आणि पांढरे छन्ना पूर्णपणे वेगळे दिसेल, तेव्हा गॅस ताबडतोब बंद करा.
पातेल्यात लगेच ४-५ बर्फाचे तुकडे किंवा थोडे थंड पाणी टाका. यामुळे पनीर अतिशय मऊ राहते. स्वच्छ, मऊ सुती किंवा मलमलच्या कपड्यावर फाटलेले दूध ओतून पाणी पूर्णपणे गाळून घ्या.
कपड्यात जमा झालेल्या पनीरवर वरून थोडे स्वच्छ थंड पाणी ओता. यामुळे लिंबाचा किंवा व्हिनेगरचा आंबटपणा आणि वास पूर्णपणे निघून जाईल.