Anuradha Vipat
मोड आलेली मटकी, कांदे,टोमॅटो, सुके खोबरे, आलं-लसूण पेस्ट, मिसळ मसाला, लाल तिखट, हळद, कढीपत्ता, तेल आणि मीठ. सोबतीला फरसाण, बारीक चिरलेला कांदा, लिंबू आणि पाव.
तेल गरम करून चिरलेला कांदा आणि सुके खोबरे तांबूस रंगावर भाजून घ्या. त्यात आलं आणि लसूण टाकून मिक्सरला बारीक वाटून घ्या.
मटकीमध्ये थोडे पाणी, हळद आणि मीठ घालून कुकरला १ शिट्टी काढून मटकी शिजवून घ्या.
कढईत तेल गरम करा, तेलात जिरे, मोहरी, कढीपत्ता आणि बारीक चिरलेला टोमॅटो टाकून परता. खोबरे-कांद्याचे वाटण तेल सुटेपर्यंत चांगले परतून घ्या. त्यात हळद, लाल तिखट आणि २ चमचे मिसळ मसाला घाला.
या मसाल्यात शिजवलेली मटकीटाका. गरजेनुसार आणखी थोडे कोमट पाणी आणि चवीनुसार मीठ घाला. मंद आचेवर १० मिनिटे उकळू द्या.
प्लेटमध्ये आधी शिजवलेली मटकी घ्या, त्यावर भरपूर फरसाण, बारीक कांदा आणि कोथिंबीर टाका.
कडेने गरम-गरम रस्सा (कट) ओता. लिंबू आणि बटर लावलेल्या पावासोबत चमचमीत मिसळ सर्व्ह करा!