Swarali Pawar
मार्चपासून तापमान हळूहळू वाढू लागते आणि जनावरांवर उष्णतेचा ताण येतो. म्हणूनच उन्हाळ्यात गोठा थंड आणि हवेशीर ठेवणे खूप महत्त्वाचे असते.
जास्त उष्णतेमुळे जनावरांची भूक कमी होते आणि दूध उत्पादन घटते. कधी कधी उष्माघात, अपचन आणि अशक्तपणासारखे त्रासही होऊ शकतात.
उन्हाळ्यात गोठ्यात हवा खेळती राहील अशी रचना असावी. भिंती मोकळ्या ठेवाव्यात किंवा पडदे लावून वायुवीजन ठेवावे.
गोठ्याची दिशा दक्षिण-उत्तर ठेवली तर थेट ऊन आत येत नाही. तसेच गोठ्याची उंची १० ते १२ फूट असल्यास गरम हवा वर जाते.
पत्र्याच्या छतावर पांढरा रंग दिल्यास ऊन परावर्तित होते. छतावर कडबा किंवा पालापाचोळा टाकल्यास गोठा थंड राहतो.
गोठ्यात पाण्याने ओले केलेले गोणपाटाचे पडदे लावता येतात. पंखे, कुलर किंवा फॉगर्स वापरल्यास वातावरण थंड राहते.
जनावरांना दिवसभर स्वच्छ आणि थंड पाणी उपलब्ध असावे. गोठ्यातील मलमूत्र वेळोवेळी साफ केल्यास उष्णता आणि दुर्गंधी कमी होते.
गोठ्याभोवती सावली देणारी झाडे लावल्यास वातावरण थंड राहते. दिवसातून २–३ वेळा पाणी फवारल्यास जनावरांना आराम मिळतो.