Team Agrowon
अनेक परदेशी तणांनी भारतात प्रवेश करून इथल्या शेतीचे प्रचंड नुकसान केले आहे. त्यापैकीच रॅगवीड हे तण आहे.
रॅगवीड हे परदेशी तण असून या विषारी तणाचा शेतीबरोबरच मानवी व जनावरांच्या आरोग्यावरही घातक परिणाम होऊ शकताे.
पाने साधी मात्र लहान भागात विभागलेली, कातरलेली व लवयुक्त असतात. फुले येण्यापूर्वी हुबेहूब कॉंंग्रेस गवतासारखी दिसते.
फुले जुलै ते नोव्हेंबर या कालावधीत येतात. फुले लहान, पांढरट-पिवळसर रंगाची. गोलाकार पुष्पगुच्छात येतात.
हे तण वेगाने वाढते व पसरते. प्रामुख्याने शेतात तसेच गवताळ कुरणे, ओसाड जमिनीवर, रस्त्याच्या कडेने, नदी काठावर आढळते.
हे तण जनावरांसाठीही विषारी. तणाच्या सान्निध्यात आल्यास त्यांनाही ॲलर्जीचा त्रास. उग्र वासामुळे जनावरे हे तण खात नाहीत. अन्य चाऱ्यांसोबत ते खाल्ल्यास दुधास उग्र वास येतो.
तणनाशक फवारुन या तणाचे नियंत्रण करता येते. मात्र त्याचा वापर करण्यापूर्वी तज्ज्ञांचा सल्ला घ्यावा.