Swarali Pawar
बाजारात खरबूज घेताना ते गोड आहे की नाही हे ओळखणं कठीण वाटतं. पण काही सोप्या गोष्टी लक्षात ठेवल्या तर तुम्ही उत्तम खरबूज निवडू शकता.
खरबूजाच्या देठाजवळ वास घ्या, गोड सुगंध येत असेल तर ते पिकलेलं असतं. जर काहीच वास येत नसेल, तर ते अजून कच्चं असण्याची शक्यता असते.
खरबूजावर स्पष्ट आणि जाड जाळीसारखी रचना असेल तर ते गोड असतं. तसंच त्याचा रंग हिरवा नसून पिवळसर-सोनेरी असावा.
खरबूज हलकं दाबल्यावर थोडं मऊ वाटलं तर ते योग्य पिकलेलं असतं. खूप मऊ असेल तर ते सडलेलं आणि खूप कडक असेल तर कच्चं असतं.
खरबूज उचलून बघा, ते आकाराच्या तुलनेत जड वाटलं पाहिजे. जास्त वजन म्हणजे ते अधिक रसाळ आणि चवदार असतं.
देठाजवळ हलक्या भेगा दिसल्या तर खरबूज नैसर्गिकरित्या पिकलेलं असतं. हे चांगल्या दर्जाच्या खरबूजाचं महत्त्वाचं लक्षण आहे.
खूप दबलेलं किंवा पिचलेलं खरबूज घेऊ नका. असं फळ घेतल्यास जंतुसंसर्ग होण्याची शक्यता असते.
या सोप्या टिप्स वापरून तुम्ही दरवेळी गोड आणि ताजं खरबूज निवडू शकता. आता बाजारात फसू नका, स्मार्टपणे खरबूज खरेदी करा!