Team Agrowon
रवंथ करणाऱ्या जनावरांमध्ये जिभेच्या चवग्रंथी विकसित नसल्यामुळे त्यांना खाद्य आणि अखाद्य वस्तूची चव ओळखता येत नाही. अशा वेळी जनावरे अखाद्य वस्तू खातात.
अखाद्य वस्तूंचा प्रकार आणि शरीरातील त्या अवयवावर लक्षणे अवलंबून असतात.
अखाद्य वस्तूंचा प्रकार आणि शरीरातील त्या अवयवावर लक्षणे अवलंबून असतात.
टोकदार वस्तू तोंडामध्ये अडकल्यास चावताना तोंडामध्ये जखमा होऊन रक्तयुक्त लाळ गळते.
चेंडू, बटाटे, आंब्याची कोय, मासे पकडण्याचा गळ अन्ननलिकेत अडकल्यास अन्न पुढे न जाता परत गळते. हे लवकर नाही काढल्यास जनावराचे पोट फुगून मरण पावते.
रवंथ करणाऱ्या जनावरांच्या पोटाचे चार भाग असतात. त्यातील दुसऱ्या भागाची रचना अशी असते की त्यामध्ये अखाद्य वस्तू अडकतात. जर वस्तू टोकदार असेल तर त्या ठिकाणी इजा होते.
गाभण परिस्थितील जनावरांमध्ये पोटाचा दाब वाढल्यास त्या टोकदार वस्तू अवयवाला छेदून बाहेर निघतात. त्या छातीच्या पडद्याला भेदतात. तेथे हर्निया होऊ शकतो. त्यामुळे जनावरास श्‍वास घ्यायला त्रास होतो.