Anuradha Vipat
कांजीवरम साडी हा दाक्षिणात्य संस्कृतीचा अभिमान आणि भारतातील सर्वात महागड्या व राजेशाही साड्यांपैकी एक प्रकार आहे.
अस्सल कांजीवरम साडीची जरी ही शुद्ध चांदीच्या तारेवर सोन्याचा मुलामा देऊन तयार केली जाते. साडीच्या पदराचे टोक किंवा एखादा सैल जरीचा धागा हलकासा खरवडून पहा. जर आतून तांबूस छटा दिसली, तर ती साडी १००% अस्सल आहे.
साडीच्या काठाचा किंवा पदराचा एक छोटा धागा काढा आणि तो पेटवून पहा. जर धागा जळताना मानवी केस जळल्यासारखा वास आला आणि शेवटी काळी राख तयार झाली, तर ते शुद्ध सिल्क आहे.
खरी कांजीवरम साडी वजनाला जड असते कारण तिच्यात दोन ते तीन धागे एकत्र विणलेले असतात. ही साडी हाताला अतिशय मऊ आणि गुळगुळीत लागते.
खऱ्या कांजीवरम साडीचे वैशिष्ट्य म्हणजे तिचा पदर आणि साडीचा मुख्य भाग वेगळे विणले जातात आणि नंतर एकत्र जोडले जातात.
खरेदी करताना साडीवर भारत सरकारद्वारे प्रमाणित 'Silk Mark' चा होलोग्रॅम किंवा टॅग आहे की नाही हे नक्की तपासा. हा टॅग साडीच्या शुद्धतेची हमी देतो.
अस्सल कांजीवरम साडी कधीही खूप स्वस्त मिळत नाही. जर कोणी तुम्हाला ही साडी अगदी कमी किमतीत देत असेल, तर ती आर्ट सिल्क किंवा सिंथेटिक साडी असण्याची शक्यता ९९% असते.