Swarali Pawar
इंग्रजीत या रोगाला सिगाटोका म्हणतात. हा रोग मायकोस्पेरिला म्युसिकोला या बुरशीमुळे होतो.
सुरुवातीला पानांच्या कडेवर पिवळे किंवा तपकिरी ठिपके दिसतात. ते वाढून पाने पिवळी पडून वाळू लागतात.
पाने फाटतात, देठापासून मोडून लोंबकळतात आणि झाडाची वाढ खुंटते. परिणामी फळे नीट भरत नाहीत आणि अकाली गळतात.
पाऊस, दवबिंदू आणि उष्ण व दमट हवामान रोगास पोषक ठरते. पावसाळ्यात वाढ अधिक दिसते.
प्राथमिक प्रसार रोगग्रस्त कंद व जुन्या अवशेषांमुळे होतो. त्यासोबतच प्रसार हवेच्या माध्यमातूनही पसरतो.
मॅन्कोझेब, कॉपर ऑक्सीक्लोराईट किंवा क्लोरोथ्यलोनिलने सुरुवातीची फवारणी करावी. प्रादुर्भाव वाढल्यास कार्बेनडॅन्झिम, प्रोपीकोनिझोल + मिनरल ऑईल किंवा मेटीरम + पायऱ्याक्लोस्ट्रोबिन यांचा वापर करावा.
शेतकऱ्यांनी लक्षणे दिसण्यापूर्वीच फवारणी करावी. कंदप्रक्रिया व फेरपालट हे करपा रोग नियंत्रणाचे प्रभावी उपाय आहेत. असा सल्ला केळी संशोधन केंद्रातील तज्ज्ञांनी दिला.