Anuradha Vipat
दिवाळीच्या सणात मिळणारा चविष्ट फराळ आणि मिठाई पाहून स्वतःवर नियंत्रण ठेवणे कठीण होते.
थोडी काळजी घेतली तर वजन न वाढवताही सणाचा आनंद घेता येतो.
फराळ खाण्यापूर्वी अर्धा तास आधी १ ग्लास पाणी पिण्यामुळे ओव्हरईटिंग टाळता येते.
तुम्हाला आवडणारा फराळ पूर्णपणे बंद करण्याची गरज नाही. फक्त तो खाताना प्रमाणावर नियंत्रण ठेवा. एकाच वेळी ताट भरून फराळ घेण्याऐवजी छोट्या प्लेटचा वापर करा.
या दिवाळीत पांढऱ्या साखरेपासून बनवलेल्या मिठाईऐवजी गूळ, खजूर, अंजीर किंवा ड्राय फ्रूट्स वापरून बनवलेले लाडू किंवा मिठाई खाण्याला पसंती द्या.
जर तुम्ही दिवसा किंवा दुपारच्या वेळी जड आणि तेलकट फराळ खाल्ला असेल, तर रात्रीचे जेवण अगदी हलके ठेवा.
सणांच्या गडबडीत जिम किंवा वर्कआउट शक्य नसले, तरी शारीरिक हालचाल थांबवू नका. फराळ खाल्ल्यानंतर लगेच झोपण्याऐवजी १५-२० मिनिटे शतपावली करा.