Anuradha Vipat
दिवाळीचा फराळ कितीही मनापासून आणि परफेक्ट बनवला, तरी जर तो नीट साठवून ठेवला नाही तर काहीच दिवसांत मऊ पडतो किंवा त्याला खवट वास येऊ लागतो.
फराळ महिनाभर अगदी पहिल्या दिवसासारखाच खमंग आणि कुरकुरीत राहण्यासाठी साठवणूक करताना खालील सोप्या पद्धतींचा वापर करा.
फराळ तळल्यानंतर किंवा बनवल्यानंतर तो एका मोठ्या परातीत किंवा पेपरवर पसरवून ठेवा. तो खोलीच्या तापमानावर पूर्णपणे थंड होऊ द्या.
फराळ साठवताना डब्याच्या तळाशी आणि कडेला स्वच्छ बटर पेपर किंवा पांढरा टिश्यू पेपर अंथरा. डब्यात फराळ भरल्यानंतर वरूनही एक पेपर ठेवून मग डब्याचे झाकण लावा.
फराळ साठवण्यासाठी नेहमी दर्जेदार प्लास्टिकचे एअर-टाईट डबे किंवा स्टीलचे घट्ट झाकणाचे डबे वापरा.
तिखट-मिठाचे पदार्थ (चकली, शेव, चिवडा) आणि गोड पदार्थ (शंकरपाळी, करंजी, लाडू) एकाच डब्यात एकत्र भरून ठेवू नका.
संपूर्ण महिन्याचा फराळ एका मोठ्या मुख्य डब्यात भरून ठेवा. त्यातून आठवडाभर पुरेल एवढाच फराळ एका छोट्या डब्यात काढून घ्या. रोज खाण्यासाठी छोटा डबा वापरा.