Swarali Pawar
पाणी कमी आणि गरज जास्त, शेतकऱ्यांसाठी मोठं आव्हान. रेनपोर्ट स्प्रिंकलर ठरू शकतो कमी पाण्यात जास्त उत्पादनाचा पर्याय.
रेनपोर्ट हा तुषार सिंचनाचाच एक मिनी स्प्रिंकलर प्रकार आहे. तो ठिबकसारख्या कमी दाबावर चालतो आणि पावसासारखे पाणी देतो.
पाणी सूक्ष्म तुषारांमध्ये पिकावर पडते. म्हणून संपूर्ण शेतात समान प्रमाणात पाणी पोहोचते.
स्प्रिंकलर साधारण १० x १० मीटर अंतरावर बसवतात. हलके पॉलिथिलीन पाईप असल्याने ने-आण करणे सोपे जाते.
गहू, हरभरा, कांदा, लसूण, बटाटा यांसाठी फायदेशीर. सपाट वाफे किंवा सरी-वरंबा पद्धतीतही वापरता येतो.
रेनपोर्टमुळे ४०–४५% पाणी बचत होते. पाणी वापर कार्यक्षमता ८०–८५% पर्यंत मिळते.
जमीन वाफसा ठेवता येते आणि खतांची कार्यक्षमता वाढते. लहान तुषारांमुळे पिकांचे नुकसान टाळता येते.
रेनपोर्टद्वारे विद्राव्य खते देता येतात, पण दाब स्थिर ठेवणे गरजेचे. फर्टिगेशननंतर १०–१५ मिनिटे स्वच्छ पाणी चालवायला विसरू नका.