Swarali Pawar
खुडूक कोंबडीच्या मदतीने अंडी नैसर्गिक पद्धतीने उबवता येतात. ही पद्धत सोपी, कमी खर्चाची आणि गावाकडे जास्त वापरली जाते.
उबवण्यासाठी ५० ते ६० ग्रॅम वजनाची, स्वच्छ आणि एकसारखी अंडी निवडा. रोगमुक्त आणि चांगली अंडीच ठेवली तर पिल्ले निरोगी निघतात.
कोंबडी सशक्त आणि निरोगी असावी. खुडूक म्हणजे अंडी घालून बसलेली कोंबडी उबवण्यासाठी योग्य असते.
खोक्यात किंवा टोपलीत मऊ गवत अंथरून मध्यभागी अंडी ठेवा. कुत्रा-मांजरांपासून सुरक्षित जागा निवडणे गरजेचे आहे.
देशी कोंबडीखाली १५ ते १८ तर विलायती १० ते १२ अंडी ठेवता येतात. जास्त अंडी ठेवल्यास सर्वांना नीट उब मिळत नाही.
कोंबडीला सकाळ-संध्याकाळ खाणे-पाणी द्यावे. ती बाहेर गेल्यावर अंडी गवताने झाकून ठेवावीत.
पाचव्या दिवशी टॉर्चच्या मदतीने अंडी तपासा. ज्यात जीव वाढत नाही अशी अंडी वेळीच काढून टाका.
२०–२१ दिवसांनी पिल्ले कवच फोडून बाहेर येतात. कोंबडी त्यांना दाणे-पाणी शिकवते आणि आठ आठवड्यांनी ती स्वावलंबी होतात.