Swarali Pawar
राज्यात सतत पाऊस व पूरस्थितीमुळे पिकहानी वाढली आहे. तरी तग धरलेली पिके योग्य व्यवस्थापन केल्यास शेतकरी चांगले उत्पादन घेऊ शकतात.
शेतात साचलेले पाणी ताबडतोब बाहेर काढावे. सऱ्या खोदून पाणी जिरण्याची सोय करावी. शेतातील साचलेले पाणी काढण्यासाठी कोरुगेटेड पाईप, पीव्हीसी पाईपचा वापर करावा.
पाऊस थांबून वाफसा आला की लगेच आंतरमशागत व कोळपणी करावी. माती मोकळी झाली की मुळांना हवा मिळते आणि पिकाची वाढ होण्यास सुरुवात होते.
पूर येणाऱ्या ठिकाणी आधीच निचऱ्याच्या सऱ्या खोदून ठेवाव्यात. शक्यतो त्या ठिकाणी सऱ्यांचे जाळे तयार करा जेणेकरून पाणी साचणार नाही.
पाण्याचा निचरा झाल्यावर नत्र-स्फुरद-पालाश १९:१९:१९ ची फवारणी करा. पिकाच्या वयानुसार ५०ग्रॅम (३०+ दिवस), १०० ग्रॅम (~२० दिवस), किंवा २०० ग्रॅम (६०+ दिवस) १० लिटर पाण्यात मिसळून फवारावे.
साचलेल्या पाण्यात पिकाची वाढ खुंटते त्यामुळे नत्र-स्फुरद-पालाश १३:००:४५ चे २०० ग्रॅम किंवा १९:१९:१९ चे १०० ग्रॅम एकत्र १० लिटर पाण्यात फवारल्यास पिकाची वाढ होण्यास मदत होते.
प्रारंभिक डाग/कुज दिसताच मॅन्कोझेब किंवा कार्बेन्डाझिम १० ग्रॅम प्रती १० लिटर पाण्यात मिसळून फवारावे. हवामान ओलसर असेपर्यंत रोगनियंत्रणात खंड पडू देऊ नये.
कापूस/हळद यांसारख्या पिकांवर ट्रायकोडर्मा, बायोमिक्स शिफारशीनुसार आवळणी करावी. पाण्याचा निचरा, पिकाचे पोषण, रोगनियंत्रण यांची वेळेवर अंमलबजावणीच उरलेल्या पिकांचे उत्पादन सुरक्षित ठेवते असा सल्ला शास्त्रज्ञ देतात.