Team Agrowon
पिस्त्याची मूळ जन्मभूमी ही इराण, सीरिया, लेबनॉन, रशिया आणि अफगाणिस्तान. पुरातत्त्व शास्त्रज्ञांना ईशान्य इराक जवळ जेरोम येथे खोदकामाच्या ठिकाणी पिस्त्याचे पुरावे सापडल्याचा उल्लेख आहे.
पर्शियन लोकांनी पिस्त्याचा वापर मोठ्या प्रमाणात केला. अनेक मिष्टान्न बनवताना, काही सॉस घट्ट करण्यासाठी त्याचा वापर केला जात होता. तसा तो त्या काळात शाही खाद्यपदार्थ होता.
युरोपात मोठ्या प्रमाणामध्ये आयात केला जात होता व खूप महाग देखील होता. पण ज्यांना परवडत होते त्यांच्यासाठी मोठ्या प्रमाणात त्याचा व्यापार होत असे.
१८८० च्या दशकात आयात पिस्ता अमेरिकेत खूप लोकप्रिय होता. तत्पूर्वी १८५४ ते १८७५ पर्यंत येथील हवामानात येऊ शकणाऱ्या पिस्ता झाडांच्या लागवडीवर संशोधन केले.
पुढे देशातील पिस्ता लोकप्रिय होऊन त्यांनी निर्यातीत मोठे स्थान पटकावून आज अनेक देशांत तो निर्यात होत आहे.
हळूहळू १९६० च्या दशकात कॅलिफोर्निया, ऍरिझोना या ठिकाणी मोठ्या प्रमाणात लागवड झाली.
वाऱ्याने परागीभवन होत असल्यामुळे प्रति तीस मादी झाडा पाठीमागे एका नर झाडाची लागवड केली जाते.
पिस्ता हे विविध प्रकारची जीवनसत्त्वे, खनिजे आणि अँटिऑक्सिडंटचा खजिना आहे. त्यामुळे अनेक रोगाचा प्रभाव कमी करण्यासाठी देखील त्याचा वापर होतो.