Anuradha Vipat
घरगुती उटणे हा त्वचेचा रंग उजळण्यासाठी, टॅनिंग घालवण्यासाठी आणि चेहऱ्यावर नैसर्गिक चमक आणण्यासाठी वापरला जाणारा आयुर्वेदिक उपाय आहे.
केमिकलमुक्त आणि १००% नैसर्गिक असल्यामुळे याचे त्वचेवर कोणतेही दुष्परिणाम होत नाहीत.
बेसन २ मोठे चमचे, तांदळाचे पीठ १ मोठा चमचा, चंदन पावडर १ मोठा चमचा, कस्तुरी हळद अर्धा चमचा , कच्चे दूध किंवा गुलाबजल पेस्ट बनवण्यासाठी, मध १ लहान चमचा.
एका स्वच्छ वाटीमध्ये बेसन, तांदळाचे पीठ, चंदन पावडर आणि हळद एकत्र करून घ्या.
त्यात मध घाला आणि कच्चे दूध किंवा गुलाबजल मिक्स करून छान गुळगुळीत पेस्ट तयार करा.
हा पॅक चेहरा आणि मानेवर व्यवस्थित लावा. उटणे चेहऱ्यावर १५ ते २० मिनिटे सुकू द्या.
उटणे हलके वाळल्यानंतर, हातावर थोडे पाणी घेऊन गोलाकार गतीने चेहऱ्याचा मसाज करत उटणे काढा. शेवटी चेहरा कोमट किंवा थंड पाण्याने स्वच्छ धुवा आणि मॉइश्चरायझर लावा.