Swarali Pawar
प्रत्येक वेळी कीटकनाशक फवारणी करणे गरजेचे नसते. घरच्या घरी चिकट सापळे बनवूनही अनेक किडींचे नियंत्रण करता येते.
पिवळा किंवा निळा कार्डबोर्ड, फोम शीट किंवा टीनचा पत्रा वापरा. त्यावर ग्रीस, वंगण किंवा कोणतेही चिकट तेल लावा.
साधारण १५ × ३० सेंमी आकाराचा तुकडा घ्या. त्यावर ग्रीस लावले की चिकट सापळा तयार होतो.
मावा, तुडतुडे, पांढरी माशी आणि फुलकिडे यांना पिवळा रंग आकर्षित करतो. त्यामुळे या किडींच्या नियंत्रणासाठी पिवळा सापळा वापरा.
निळा सापळा फुलकिडे आणि लीफ मायनरसाठी उपयुक्त आहे. पांढरा सापळा उडद्या भुंगेरे आणि काही ढेकूणवर्गीय किडींसाठी वापरला जातो.
सापळे पिकापासून १ ते १.५ फूट उंचीवर लावा. ते पिकापासून साधारण २० सेंमी अंतरावर असावेत.
पावसात ग्रीस निघू शकते, त्यामुळे सापळे झाकून ठेवा किंवा काढून ठेवा. वेळोवेळी स्वच्छ करून पुन्हा ग्रीस लावायला विसरू नका.
टीनचा पत्रा किंवा फोम शीट पुन्हा पुन्हा वापरता येतो. म्हणून घरच्या घरी तयार केलेले चिकट सापळे किफायतशीर आणि उपयुक्त ठरतात.