Anuradha Vipat
उन्हाळ्यात शरीराला थंडावा देणारे 'कैरीचे पन्हं' बनवण्याची ही सर्वात सोपी आणि झटपट पद्धत आहे.
कैऱ्या, गूळ किंवा साखर, वेलची पूड, मिरे पूड, भाजलेली जिरे पूड, काळे मीठ ,पुदिन्याची पाने.
कैऱ्या स्वच्छ धुवून कुकरमध्ये ३-४ शिट्ट्या करून चांगल्या शिजवून घ्या. त्यांची सालं काढून आतील पूर्ण गर काढून घ्या.
या गरामध्ये गूळ किंवा साखर, वेलची पूड, जिरे पूड आणि काळे मीठ टाका.
हे सर्व मिश्रण मिक्सरला एकदा फिरवून घ्या, जेणेकरून गूळ पूर्णपणे विरघळेल आणि पन्हं एकदम स्मूथ होईल.
एका ग्लासमध्ये २-३ चमचे हे तयार मिश्रण टाका, त्यात थंड पाणी आणि बर्फाचे खडे घालून नीट ढवळा. वरून पुदिन्याची पाने टाकून थंडगार सर्व्ह करा.
हे तयार मिश्रण तुम्ही काचेच्या बाटलीत भरून फ्रिजमध्ये १५ ते २० दिवस स्टोअर करू शकता.