Anuradha Vipat
गरमागरम आणि वाफाळलेले व्हेजिटेबल सूप हिवाळ्यात आणि पावसाळ्यात शरीराची प्रतिकारशक्ती वाढवण्यासाठी रामबाण उपाय आहे.
व्हेजिटेबल सूप सूप शरीराला अंतर्गत उष्णता देते आणि विषाणूजन्य आजारांपासून संरक्षण करते.
कोबी, गाजर, सिमला मिरची आणि ब्रोकोली , आलं-लसूण पेस्ट, काळी मिरी पूड, चिमूटभर हळद, तेल किंवा बटर, चवीनुसार मीठ, व्हेजिटेबल स्टॉक, लिंबाचा रस, बारीक चिरलेली कोथिंबीर, कॉर्न फ्लोअर.
तेल/बटर गरम करा. त्यात बारीक चिरलेले आलं आणि लसूण टाकून १ मिनिट परतून घ्या. त्यात सर्व चिरलेल्या भाज्या घाला आणि मध्यम आचेवर २ ते ३ मिनिटे परतून घ्या.
भाज्या परतल्यानंतर त्यात २ कप पाणी, हळद, काळी मिरी पूड आणि चवीनुसार मीठ घाला. सूपला मध्यम आचेवर ५ ते ७ मिनिटे चांगली उकळी येऊ द्या.
सूप थोडे हॉटेलसारखे दाट हवे असल्यास, यात कॉर्न फ्लोअरची पेस्ट घाला आणि २ मिनिटे उकळा.
गॅस बंद करा. वरून ताजी कोथिंबीर आणि लिंबाचा रस पिळा. तुमचे वाफाळलेले इम्युनिटी बुस्टर व्हेजिटेबल सूप तयार आहे.