Anuradha Vipat
घरच्या घरी रवाळ, सुगंधी आणि पिवळधमक साजूक तूप बनवणे ही एक कला आहे.
अनेकदा तूप जळते किंवा त्याला हवा तसा दाणेदारपणा येत नाही. परफेक्ट तूप बनवण्यासाठी या ५ सिक्रेट टिप्स नक्की फॉलो करा.
दुधावरची साय साठवताना ती नेहमी फ्रीजरमध्ये ठेवावी, जेणेकरून तिला आंबट वास येणार नाही.
लोणी काढल्यानंतर ते थंड पाण्याने २-३ वेळा स्वच्छ धुवून घ्यावे. लोण्यातील ताकाचा अंश पूर्णपणे निघून गेल्यामुळे तूप जास्त काळ टिकते .
तूप नेहमी जाड बुडाच्या पातेल्यात मंद आचेवर कढवावे. मध्यम किंवा मोठ्या आचेवर तूप कढवल्यास ते लवकर जळते.
तूप पूर्णपणे कढत आल्यावर त्यात पाण्याचे दोन-तीन थेंब शिंपडा. यामुळे तूप थंड झाल्यावर छान रवाळ आणि दाणेदार होते.
तूप कढवताना त्यात १-२ लवंगा, दालचिनीचा छोटा तुकडा किंवा विड्याचे पान टाकावे.