Anuradha Vipat
गुळपापडी हा महाराष्ट्र आणि गुजरातमध्ये बनवला जाणारा एक अत्यंत पारंपारिक, पौष्टिक आणि झटपट होणारा गोड पदार्थ आहे.
थंडीच्या दिवसांत किंवा सणासुदीला शरीराला ऊर्जा देण्यासाठी हा उत्तम पर्याय आहे.
योग्य प्रमाण न जमल्यास गुळपापडी कधी कडक होते तर कधी खूप भुसभुशीत होते.
गव्हाचे पीठ,शुद्ध साजूक तूप,सेंद्रिय किंवा साधा गुळ,वेलची आणि जायफळ पूड,बदाम-काजूचे काप किंवा खसखस.
कढईत साजूक तूप गरम करा. तूप वितळल्यावर त्यात गव्हाचे पीठ टाका आणि मंद आचेवर सतत हलवत खमंग भाजा.पिठाचा रंग हलका सोनेरी-बदामी होईपर्यंत आणि घरात खमंग सुवास सुटेपर्यंत पीठ भाजा.
त्यात वेलची-जायफळ पूड आणि बारीक चिरलेला गुळ घाला. ताटाला तूप लावून ठेवा. गुळ व्यवस्थित मिक्स झाल्यावर हे मिश्रण ताटात काढा आणि वाटीच्या पाठीमागील भागाने सपाट थापून घ्या. वरून खसखस किंवा ड्रायफ्रूट्स दाबा.
मिश्रण थोडे गरम असतानाच सुरीने त्याच्या चौकोनी वड्या पाडून घ्या. थंड झाल्यावर गुळपापडी मऊ आणि खुसखुशीत तयार होईल.