Anuradha Vipat
ओट्स आणि केळीचे पॅनकेक ही एक पूर्णपणे शुगर-फ्री, अंडी न वापरता बनवलेली आणि आरोग्याची काळजी घेणारी अत्यंत सोपी रेसिपी आहे.
ओट्सचे पीठ ,पिकलेले केळे,दूध,दही,बेकिंग पावडर,दालचिनी पूड ,तूप किंवा बटर.
एका मोठ्या भांड्यात पिकलेले केळे घेऊन ते काट्या चमच्याने पूर्णपणे मऊ करून घ्या. मॅश केलेल्या केळ्यामध्ये ओट्सचे पीठ, बेकिंग पावडर आणि दालचिनी पूड घालून एकत्र करा.
आता यात दही आणि थोडे थोडे दूध घालत मिक्स करा. भज्यांच्या पिठापेक्षा थोडे दाटसर पॅनकेकचे बॅटर तयार करून घ्या. हे मिश्रण ५ मिनिटे बाजूला ठेवा.
नॉन-स्टिक तवा गॅसवर मध्यम आचेवर गरम करा. तव्याला थोडे तूप किंवा बटर लावा.
तव्यावर एक मोठा चमचा बॅटर टाका . मंद आचेवर २ मिनिटे किंवा वरच्या बाजूला बुडबुडे येईपर्यंत शेकू द्या.
आता पॅनकेक काळजीपूर्वक उलटून घ्या आणि दुसऱ्या बाजूनेही सोनेरी आणि हलका तांबूस रंग येईपर्यंत शेकून घ्या.तुमचे मऊ आणि चवदार ओट्स केळीचे शुगर-फ्री पॅनकेक खाण्यासाठी तयार आहेत!