Anuradha Vipat
घरी रासायनिक प्रिजर्व्हेटिव्ह्ज आणि कृत्रिम रंगांचा वापर न करता शुद्ध, चवदार आणि पौष्टिक मिक्स फ्रूट जॅम बनवणे अत्यंत सोपे आहे.
बाजारात मिळणाऱ्या जॅमपेक्षा हा घरगुती जॅम आरोग्यासाठी खूप चांगला मानला जातो.
सफरचंद, केळी, पपई, स्ट्रॉबेरी, अननस, चिकू, द्राक्षे किंवा डाळिंबाचे दाणे तुमच्या आवडीनुसार एकत्र घ्या.साखर, लिंबाचा रस.
सर्व फळे स्वच्छ धुवून, सोलून आणि आतील बिया काढून त्यांचे बारीक तुकडे करून घ्या. चिरलेली सर्व फळे कढईत त्यात २ ते ३ चमचे पाणी टाकून मंद आचेवर फळे मऊ होईपर्यंत ७-१० मिनिटे शिजवून घ्या. पोटॅटो मॅशरच्या साहाय्याने ती व्यवस्थित मॅश करून घ्या.
आता या मॅश केलेल्या फळांच्या प्युरीमध्ये साखर व्यवस्थित मिक्स करा. साखर वितळल्यानंतर हे मिश्रण मंद ते मध्यम आचेवर सतत ढवळत राहा.
मिश्रण साधारण १५ ते २० मिनिटे शिजवल्यानंतर, जॅम तयार झाला आहे की नाही हे तपासण्यासाठी 'प्लेट टेस्ट' करा
तयार झालेला जॅम पूर्णपणे गार होऊ द्या. त्यानंतर तो एका काचेच्या स्वच्छ, कोरड्या आणि स्टरलाईज्ड एअर-टाईट बरणीत भरून ठेवा.