Anuradha Vipat
उन्हाळ्याच्या दिवसांत शरीरातील उष्णता कमी करण्यासाठी आणि पचन सुधारण्यासाठी ताकाची कढी हा एक उत्तम आणि पौष्टिक पर्याय आहे.
ताक,बेसन ,आलं-मिरची पेस्ट,कढीपत्ता,लसूण,जिरे व मोहरी,हिंग,हळद,साखर किंवा गूळ, मीठ, तेल किंवा तूप, बारीक चिरलेली कोथिंबीर.
ताक घ्या. त्यामध्ये बेसन घालून रवीने किंवा विस्करने नीट फेटून घ्या. कढईत १ चमचा तूप किंवा तेल गरम करा. त्यात मोहरी आणि जिरे टाका.
जिरे तडतडल्यावर त्यात हिंग, कढीपत्ता आणि ठेचलेला लसूण घालून परता. आता त्यात आलं-मिरचीची पेस्ट आणि हळद घालून हलके परता.
तयार केलेले ताकाचे मिश्रण कढईत ओता. चवीनुसार मीठ आणि थोडी साखर/गूळ घाला. कढीला सतत ढवळत राहा जेणेकरून ताक फाटणार नाही.
मध्यम आचेवर कढीला एक छान उकळी येऊ द्या. कढी जास्त घट्ट वाटल्यास थोडे पाणी घालू शकता.
गॅस बंद करा आणि वरून भरपूर ताजी कोथिंबीर घाला.