Mahesh Gaikwad
वयाच्या चाळीशीनंतर महिलांमध्ये अनेक शारीरिक बदल सुरू होतात. अशावेळी आरोग्याशी संबंधित तपासण्या केल्यामुळे आयुष्य निरोगी राहते.
वर्षातून एकदा संपूर्ण हेल्थ चेकअप करावे. यामध्ये रक्तदाब, हिमोग्लोबिन आणि रक्तातील साखरेची पातळी तपासली जाते. ज्यामुळे संभाव्य समस्यांवर आधीच उपचार करता येतात.
मधुमेह हा हळूहळू वाढणारा आजार असून या संबंधित फास्टिंग शुगर आणि इतर तपासण्या करून घेतल्यास शरीरातील साखरेची पातळी नियंत्रणता आहे का ते समजते.
वयाच्या चाळीशीमध्ये महिलांमध्ये हाडे कमजोर होण्याचा धोका वाढतो. यासाठी बोन डेन्सिटी, कॅल्शियम आणि व्हिटामिन-डी या तपासण्या करून घ्याव्यात. यामुळे ऑस्टिओपोरोसिसचा धोका टाळता येतो.
चाळीशीनंतर ह्रदयविकाराचा धोका वाढतो. त्यामुळे ईसीजी आणि इको टेस्टसह कोलेस्ट्रॉलची तपासणी करून घेणे आवश्यक आहे. यामुळे ह्रदय निरोगी ठेवता येते.
वाढत्या वयामुळे महिलांमध्ये दृष्टीदोषाची समस्या उद्भवते. त्यामुळे डोळ्यांची तपासणी करून घ्यावी.
बऱ्याचदा या वयात महिलांमध्ये स्तन आणि गर्भाशय कर्करोगाचा धोक संभवतो. यासाठी मॅमोग्राफी आणि पॅप सिमर या चाचण्या नियमित केल्या पाहिजेत.
चाळीशीमध्ये पुरेशी झोप, तणाव नियंत्रण आणि वजन संतुलित ठेवणेही तितकेच गरजेचे आहे. यासाठी मानसिक आरोग्याची तपासणी करून घ्यावी आणि व्यायाम व योगा यांचा अंगीकार करावा.