Anuradha Vipat
आजच्या आधुनिक आणि धावपळीच्या जीवनशैलीत आपण गडू, तांदूळ आणि मैदा यांसारख्या पांढऱ्या अन्नाचा वापर मोठ्या प्रमाणावर करत आहोत.
पूर्वीच्या काळी आपले पूर्वज ज्या तृणधान्यांचे सेवन करायचे, तीच धान्ये आज आपल्याला अनेक गंभीर आजारांपासून वाचवू शकतात.
बाजरी, ज्वारी, नाचणी, भगर (वरई), राळा आणि राजगिरा यांसारखी तृणधान्ये केवळ पोषक नसून स्वयंपाकातही अत्यंत चविष्ट ठरतात.
तृणधान्यांमध्ये फायबरचे प्रमाण खूप जास्त असते. जेव्हा तुम्ही गव्हाऐवजी ज्वारी किंवा बाजरीची भाकरी खाता, तेव्हा तुमचे पोट दीर्घकाळ भरलेले राहते. यामुळे वारंवार भूक लागत नाही ज्यामुळे वजन नैसर्गिकरीत्या कमी होण्यास मदत होते.
सर्व तृणधान्यांचा ग्लायसेमिक इंडेक्स खूप कमी असतो. याचा अर्थ असा की हे धान्य खाल्ल्यानंतर रक्तातील साखरेची पातळी अचानक वाढत नाही.
तृणधान्यांमध्ये भरपूर प्रमाणात मॅग्नेशियम आणि पोटॅशियम असते. ज्यामुळे हृदयावर येणारा ताण कमी होतो.
गरोदर महिला, स्तनदा माता आणि वाढत्या वयाच्या लहान मुलांच्या हाडांच्या विकासासाठी नाचणीचे सत्व किंवा भाकरी अत्यंत गरजेची आहे.