Mahesh Gaikwad
गवती चहा ही एक आयुर्वेदीक औषधी वनस्पती आहे. गवती चहापासून बनवलेल्या हर्बल ड्रिंक आरोग्याच्या अनेक समस्यांसाठी प्रसिध्द आहे.
अनेकदा कामाच्या ताणामुळे आलेला थकवा घालविण्यासाठी गवती चहा पिला जातो. पण गवती चहा आपल्या आरोग्यासाठीही खूप फायदेशीर आहे.
गवती चहामध्ये क्लोरोजेनिक अॅसिड, आयसोरिएंटीन आणि स्वर्टियाजापोनिन सारखे अनेक अँटीऑक्सिडंट असतात.
गवती चहाच्या नियमितसेवनामुळे पचनक्रिया सुधारते. तसेच बध्दकोष्ठता, अपचन, गॅस, पोटदुखी यासारख्या समस्यांपासून आराम मिळतो.
गवती चहामध्ये विविध प्रकारची जीवनसत्त्वे आणि खनिजे असतात. ज्यामुळे शरीराची रोगप्रतिकारक शक्ती वाढण्यास मदत होते.
गवती चहा प्यायल्याने रक्तदाब नियंत्रणात राहण्यास मदत होते. ज्यामुळे उच्च रक्तदाबाचा धोका कमी होतो.
गवती चहामुळे मेटाबॉलिझम वाढते आणि शरीरातील अतिरिक्त चरबी जाळण्यास मदत होत. परिणामी वजन कमी करण्यास मदत होते.
गवती चहामुळे तुमच्या त्वचेचे आरोग्य निरोगी राहते. गवती चहामुळे त्वचा चमकदार आणि सुंदर होते. ही बातमी सामान्य माहितीवर आधारीत आहे.