Mahesh Gaikwad
प्रत्येक घरात कोबी, फुलकोबीची भाजी केलीच जाते. पण फुलकोबीची भाजी म्हटले की अनेकजण नाक मुरडतात.
मात्र, फुलकोबीच नाही तर त्यांची पानेही आरोग्यासाठी खूप फायदेशीर असतात. हे तुम्हाला माहित आहे का ?
फुलकोबीच्या पानांमध्ये आरोग्याच्यादृष्टीने फादेशीर असे औषधी घटक असतात. याचेच फायदे आज आम्ही तुम्हाला सांगणार आहोत.
फुलकोबीच्या पानांमध्ये अँटीऑक्सिडंटचे प्रमाण जास्त असते. जे तुमच्या त्वचेच्या आरोग्यासाठी चांगले असते.
फुलकोबीच्या पानांमध्ये कॅल्शियमही मोठ्या प्रमाणात आढळते. संधीवाताच्या आजाराने ग्रस्त असणाऱ्यासाठी हे खूप फायदेशीर आहे.
याशिवाय रक्तातील हिमोग्लोबिनचे प्रमाण वाढविण्यासाठी फुलकोबीची पाने बेस्ट आहेत. तसेच रक्तातील लोहाची पातळीसुध्या यामुळे वाढते, जे अॅनिमियाची समस्या दूर करते.
फुलकोबीची पाने पचनाची समस्या सुधारण्यास उपयुक्त आहेत. यामुळे वाढलेले वजन कमी करण्यासही मदत होते.
फुलकोबीची पाने कापून स्वच्छ धुवून घ्यावीत. सलाडप्रमाणे ही पाने खाणे उत्तम पर्याय आहे.