Mahesh Gaikwad
घरात कोणालाही खोकला आला तरी आई लगेच हळदीचं दूध प्यायला देते. तसंच साधी जखम जरी झाली तरी आपली आज्जी म्हणते हळद लाव रक्त थांबेल. अशी ही बहुगुणकारी हळद.
पण आपल्याया फक्त पिवळ्या रंगाची हळद माहितीये. तुम्ही कधी काळ्या रंगाची हळद पाहिलीये का? पिवळ्या हळदीप्रमाणेच काळी हळदही आरोग्यासाठी खूप गुणकारी मानली जाते.
पिवळ्या हळदीमध्ये कुरकुमीनचे प्रमाण जास्त असल्याने दिसायला तीचा रंग पिवळा असतो. मात्र, काळ्या हळदीमध्ये अँथोसायनीन घटक असल्याने तीचा रंग गडद जांभळ्या रंगाचा असतो.
काळी हळद आरोग्यासाठी खूप फायदेशीर असते. ही हळदीचे पीक प्रामुख्याने देशातील पूर्वोत्तर भागात आणि मध्यप्रदेशात घेतले जाते.
यामध्ये अँटीफंगल, अँटीअस्थमा, अँटीऑक्सिडेंट, एनाल्जेसिक या सारखे गुणधर्म असतात. श्वासासंबंधी आजारांमध्ये काळी हळद गुणकारी आहे.
तसेच माईग्रेनच्या (अर्धशिशी) त्रासामध्ये काळ्या हळदीचा लेप खूप फायदेशीर असतो. गॅसच्या समस्येपासून सुटका मिळविण्यासाठीही काळी हळग फायदेशीर आहे.
याशिवाय वजन कमी करण्यासाठीही काळ्या हळदीचे सेवन विविध प्रकारे केले जाते. त्वचेसंबंधीच्या सर्व आजारांमध्ये काळ्या हळदीचा गुण दिसून येतो.
पिवळ्या हळदीप्रमाणेच रोगप्रतिकारक शक्ती वाढविण्यासाठीही काळ्या हळदीची मदत होते.