Mahesh Gaikwad
निसर्गामध्ये विविध प्रकारचे प्राणी पाहायला मिळतात. निसर्गात अनेक चित्र-विचित्र प्रकारच्या प्राण्यांच्या प्रजातीही आढळतात.
काही प्राणी आपल्या रंगामुळे, आकारामुळे किंवा विचित्र पध्दतीच्या आवाजामुळे ओळखले जातात.
निसर्गाने प्रत्येक प्राण्यामध्ये काही ना काही विशेष गुण दिलेले असतात. आज आपण अशाच एका प्राण्याविषयी माहिती घेणार आहोत.
निसर्गत:च पाठीवर बुलेटप्रुफ कवच असलेल्या या प्राण्याचे नाव आहे आर्मडिलो. या प्राण्याच्या पाठीवर कवचामुळे याला धोक्यापासून बचाव करण्यास मदत होते.
आर्मडिलोचे कवच इतके कठीण असते की, त्यावर बंदुकीच्या गोळीचाही परिणाम होत नाही. म्हणूनच याला बुलेटप्रुफ कवचाचा प्राणी असेही म्हणतात.
धोक्याची जाणीव होताच आर्मडिलो प्राणी आपले शरीर आपल्या पाठीच्या कवचाच्या आतमध्ये लपवतो.
हा प्राणी आकाराने अगदीच छोटा असतो. आर्मडिलो या प्राण्याचे आयुष्य १५ वर्षांपर्यंत असते. हा प्राणी दिवसातील १६ तास झोपतो.
हा प्राणी प्रामुख्याने दक्षिण अमेरिकेमध्ये आढळतो. २०१४ मध्ये ब्राझिल येथे झालेल्या फुटबॉल विश्व चषकाचा आर्मडिलो हा शुभंकर चिन्ह (Mascot) होता.
आर्मडिलो प्राण्याची दृष्टी कमजोर असते. परंतु वास घेण्याची क्षमता अफाट असल्याने तो वासाने आपल्या भक्ष्याची शिकार करतो.