Swarali Pawar
काडीकचरा न जाळता थेट पेरणी करायची असेल तर हॅपी सीडर उपयुक्त ठरतो. यामुळे खर्च कमी होतो आणि जमिनीचे आरोग्यही टिकून राहते.
हॅपी सीडर हे ट्रॅक्टरचलित आधुनिक पेरणी यंत्र आहे. हे यंत्र काडीकचऱ्यामध्ये थेट बियाणे आणि खत पेरू शकते.
हे यंत्र चालवण्यासाठी किमान ३५ अश्वशक्तीचा ट्रॅक्टर आवश्यक असतो. यामध्ये ७, ९ किंवा ११ फण्यांचे पेरणी यंत्र उपलब्ध असते.
यंत्रातील फिरते ब्लेड काडीकचरा बाजूला सारतात. त्यानंतर बियाणे योग्य खोलीवर पेरले जाते.
पेरणीनंतर काडीकचरा पुन्हा बियाण्यावर पसरवला जातो. यामुळे जमिनीतील ओलावा टिकून राहण्यास मदत होते.
हॅपी सीडरमुळे पीक अवशेष जाळावे लागत नाहीत. यामुळे प्रदूषण कमी होते आणि सेंद्रिय कर्ब वाढण्यास मदत होते.
पीक अवशेष कुजून जमिनीत मिसळतात आणि अन्नद्रव्ये उपलब्ध होतात. यामुळे जमिनीचा पोत आणि सुपीकता सुधारते.
नांगरणी आणि मशागतीचा खर्च कमी होतो. कमी पावसाच्या काळातही ओलावा टिकून राहिल्याने पिकाची वाढ चांगली होते.