Aslam Abdul Shanedivan
निरोगी राहण्यासाठी भाज्या खाण्याचा सल्ला आरोग्य तज्ज्ञांसह घरातील जेष्ठ देत असतात.
भाज्यांमध्ये अनेक पोषक तत्व असतात, ज्यामुळे शरीर निरोगी राहते.
सेंटर फॉर डिसीज कंट्रोल अँड प्रिव्हेन्शनने (सीडीसी) एका संशोधनात सर्वात आरोग्यदायी भाजी म्हणून वॉटरक्रेस म्हणजे जलकुंभी असल्याचे म्हटले आहे.
जलकुंभीचा पौष्टिक दर स्कोअर १०० पैकी १०० असून इतर भाज्यांच्या तुलनेत सर्वात आरोग्यदायी आहे
तर चायनीज कोबीचा पौष्टिक दर स्कोअर ९१.९९ टक्क्यांचा आहे.
आहारतज्ज्ञ डाना एलिस हन्स यांनी जलकुंभी ही पोषक तत्वांनी भरलेली भाजी असल्याचे सांगितले आहे.
जलकुंभीत भरपूर जीवनसत्त्वे, खनिजे आणि अँटिऑक्सिडंट्स असतात. तर यात व्हिटॅमिन के, व्हिटॅमिन सी, आयर्न, व्हिटॅमिन बी६, मॅग्नेशियम, कॅल्शियम, व्हिटॅमिन डी, पोटॅशियम यांसारखे पोषक घटक आढळतात