Anuradha Vipat
उन्हाळ्यात शरीराला थंडावा देणारे आणि पचायला हलके असे हिरव्या मुगाचे कढण अतिशय पौष्टिक असते.
रात्रभर भिजवलेले हिरवे मूग, आलं-लसूण पेस्ट, हिरवी मिरची, कढीपत्ता, जिरे व मोहरी, हिंग व हळद , कोकम किंवा लिंबाचा रस, गूळ, मीठ, ताजी कोथिंबीर, तूप.
भिजवलेले हिरवे मूग पुरेसे पाणी घालून चांगले मऊ शिजवून घ्या. शिजलेले मूग रवीने किंवा चमच्याने थोडे घोटून घ्या.
एका पातेल्यात तूप गरम करा. त्यात मोहरी, जिरे, हिंग, कढीपत्ता आणि हिरवी मिरची घालून तडतडू द्या.
फोडणीत आलं-लसूण पेस्ट आणि हळद घालून थोडा वेळ परता. घोटलेले मूग या फोडणीत ओता. चवीनुसार मीठ, कोकम आणि थोडा गूळ घाला.
गॅस मध्यम आचेवर ठेवून कढणाला २-३ मिनिटे चांगली उकळी येऊ द्या. वरून ताजी कोथिंबीर पेरा.
गरमागरम मुगाचे कढण तुम्ही सूपप्रमाणे पिऊ शकता किंवा भातासोबतही घेऊ शकता.