Mahesh Gaikwad
गुजरातमधील अहमदाबाद येथील बन्सी गीर गोशाळा देशभरातील शेतकऱ्यांसाठी आकर्षणाचे केंद्र आहे.
देशी गोवंश गीर गायी संवर्धनासाठी गोपालभाई सुतारीया यांनी गोशाळा आणि गोतीर्थ विद्यापीठाची स्थापना केली आहे.
गोपालभाई यांचा अहमदाबादेत व्यवसाय आहे. यापूर्वी त्यांचा व्यवसाय मुंबईतही होता.
सुरूवातीला आठ गायी असलेल्या गोशाळेत आजघडीला लहान-मोठ्या मिळून ७०० हून अधिक गायी आहेत.
गोशाळेतील गायींपासून दररोज १५० ते २०० लिटर दूध मिळते. या दुधाची २०० रुपये प्रति लिटरने विक्री होते. बहुतांश दुधावर प्रक्रिया करून तूप व अन्य पदार्थ बनवले जातात.
गोशाळेतील अनेक गायींनी १० तर काहींनी १५ व्या वेताचा टप्पा पार केला आहे. तसेच प्रत्येक गायीचा संगणकीकृत नोंदी ठेवल्या जातात.
गोशाळेतील प्रत्येक गायीचे नामकरण केले असून हाक देताच त्या जवळ येऊन प्रेमाने बिलगतात.