Team Agrowon
राष्ट्रीय डेअरी संशोधन संस्थेतील शास्त्रज्ञांनी देशात पहिल्यांदाच स्वदेशी पद्धतीने गीर गायीचा क्लोन तयार करण्यात यश मिळवले आहे.
राष्ट्रीय डेअरी संशोधन संस्थेने उत्तराखंड पशुधन विकास मंडळ, डेहराडूनच्या सहकार्याने २०२१ मध्ये गीर, साहिवाल आणि रेड-सिंधी सारख्या देशी गायींचे क्लोनिंग करण्याचे काम सुरू केले.
१६ मार्च २०२३ रोजी गीर जातीच्या क्लोन मादी वासराचा म्हणजेच कालवडीचा जन्म झाला. या कालवडीला गंगा नाव देण्यात आले.
हा देशातूल पहिलाच प्रयोग असून क्लोनिंग तंत्राने १०० टक्के जातिवंत जनावराची निर्मिती शक्य होते.
हे वासरु निरोगी असून जन्माच्या वेळी त्याचे वजन ३२ किलो भरले. यानंतर क्लोनिंग तंत्राने जातिवंत वळूचीही निर्मित केली जाणार आहे.
क्लोनिंग तंत्रामुळे दुधाळ जनावरांची संख्या नैसर्गीक पद्धतीच्या तुलनेत वाढवता येते. याशिवाय नामशेष होत चाललेल्या जातिवंत जनावरांचे संवर्धन करण्यास क्लोनिंग तंत्रामुळे मदत होणार आहे.