sandeep Shirguppe
शंभर वर्षांहून अधिक काळाचा इतिहास असलेल्या हुपरी चांदी दागिने हस्तकला उद्योगाला 'जी आय' मानांकन प्राप्त झाले.
चांदी उद्योगाचे प्रतिनिधित्व करणाऱ्या असोसिएशन, तसेच चांदी हस्तकला उद्योग विकास फाउंडेशन संस्थांनी यासाठी प्रयत्न केला.
कोल्हापूर जिल्ह्यातील गूळ, आजरा घनसाळ, कोल्हापुरी चप्पलनंतर आता हुपरीच्या चांदी दागिने हस्तकला उद्योगास जी आय टॅग मिळाले.
शंभर वर्षांपूर्वी येथील एका कुटुंबापुरता मर्यादित असलेला हा हस्तकला व्यवसाय आजघडीला आजूबाजूच्या दहा ते पंधरा गावांत पसरलेला आहे.
सध्या चाळीस हजारांवर कारागीर चांदी दागिने निर्मितीचे काम करतात.
हस्तकलेवर तयार होणाऱ्या येथील अत्यंत सुबक व नक्षीदार कलाकुसरीच्या दागिन्यांनी देश-विदेशातील बाजारपेठ काबीज केलेली आहे.
पैंजण या पारंपरिक दागिन्याबरोबरच करदोरे, वाळे, तोडे, जोडवी, मासोळ्या, वेडण्या, बिछवा आदी विविध प्रकारच्या दागिन्यांची निर्मिती येथे होते.
दर्जा, विश्वासार्हता आणि अचूकता या कसोट्यांमुळे हुपरीचे चांदी दागिने ग्राहकांच्या पसंतीला उतरलेले आहेत.