Mahesh Gaikwad
भारतातील लोक गोड पदार्थांचे शौकीन आहेत यात काही वादच नाही. त्यामुळेच विविधतेत एकता असणाऱ्या भारतात वेगवेगळ्या प्रकारच्या मिठाई पाहायला मिळतात.
ऐतिहासिक वारसा आणि पर्यटनासाठी राजस्थान जगभरात प्रसिध्द आहे. जयपूरचा हवामहल आणि स्वादिष्ट मिठाईसाठीचीही जगभरात वेगळीच ओळख आहे.
जयपूरची प्रसिध्द असणारी मिठाई राजस्थानच नाही तर संपूर्ण भारतभरात फेमस आहे.
ही एक अशी मिठाई आहे, जी विशेषत: सणासुदीला बनवली जाते आणि आवडीने लोकांना खायला घातली जाते.
ही मिठाई गणगौर, तीज आणि रक्षाबंधन यासारख्या सणांमध्ये सर्वात जास्त बनवली जाते. या मिठाईची चवही खूप वेगळी असते.
राजस्थानसह वेगवेगळ्या ठिकाणी या मिठाईला घेवर नावाने ओळखली जाते. जयपूरची घेवर मिठाई जगभर प्रसिध्द आहे. ७० वर्षांपासून ही मिठाई तयार केली जात आहे.
आकारानुसार घेवर मिठाई १० वेगवेगळ्या प्रकारे बनवली जाते. या मिठाईचे अनेक प्रकारही आहेत.
घेवरची चव गोड आणि खायला कुरकुरीत असते. इतर मिठाईच्या तुलनेत घेवर मिठाई मऊ नसते.