Anuradha Vipat
दसऱ्याच्या शुभ मुहूर्तावर अस्सल मराठमोळा आणि पारंपरिक लुक करायचा असेल, तर साडीची निवड सर्वात महत्त्वाची ठरते.
महाराष्ट्रात सणासुदीला सिल्क आणि काठपदराच्या साड्या नेसण्याची जुनी परंपरा आहे.
या दसऱ्याला स्वतःला खास 'मराठी लुक' देण्यासाठी तुम्ही खालील साडी डिझाईन्स नक्की ट्राय करू शकता.
दसऱ्याच्या पूजेसाठी मोर, पोपट किंवा कमळाची नक्षी असलेला पदर आणि भरगच्च जरी बॉर्डर असलेली येवला पैठणी सर्वोत्तम पर्याय आहे.
तुम्ही मस्तानी स्टाईल, ब्राह्मणी किंवा पेशवाई पद्धतीची रेडी-टू-वेअर नऊवारी साडी निवडू शकता.
सध्याच्या फॅशन ट्रेंडमध्ये खणाची साडी प्रचंड लोकप्रिय आहे. ही साडी वजनाने हलकी आणि नेसण्यास अत्यंत सुटसुटीत असते.
तुम्हाला जर पैठणीपेक्षा काहीतरी वेगळे हवे असेल, तर बारीक नक्षीकाम असलेली नारायणपेठ साडी किंवा सिल्क आणि कॉटनच्या मिश्रणातील गडवाल साडी उत्तम पर्याय आहे.